Saturday, July 20, 2013

Rukhi sukhi khaay ke thanda pani pee dekh praai chopadi na lalchao jee!

Rukhi sukhi khaay ke
thanda pani pee
dekh prari chopadi na lalchao jee!

Iska bhavarth hai ki apne dukh se dukhi na hokar dusron ke sukh se dukhi hona!
aaj sari dunia ki yahi niti hai ki wo durso ko sukhi dekhkar dukhi hote hain!
pura desh ka pata nahi m haryana ke rehne wala hun!
vaastav me haryana me sabhi log sukhi hain! kyonki lagbhag sab ke pass makan hai,sabke pass khane ko roti hai,pehn-ne ko kapda hai!
jo jeeven ki mool jaruratein hain! iske baavjud wo dukhi kyon hain?
jiske padosi ke pass cycle hai eo paidal chalne wala dukhi hai!
jiske padosi ke pass bike hai wo cycle par chalne wala dukhi hai! kyonki usko bike me sukh dikhta hai!
bike wala dukhi hai uske padosi par car hai! magar car besak NANO hi ho!

ab Nano wala dukhi hai kyonki uske padosi ke luxury  car hai!
so har koi padosi ke sukh se dukhi hai! jo 100 kamata hai wo 500 kamane wale se dukhi hai!
jo 500 kamata hai wo 1000 wale se!

yahi sukh ki lalasa bharastachar ki janani hai! jitne bhi bharastachar hote hain! uske pichhe jyada paisa kamana hota hai!
Joki sukh ka sadhan mana jata hai! jara sochiye netaon ke pass kya pese ki kami hai?
wo kis suvidha se vanchit hain? sabhi kuchh to unke pass hai?
uske baad bhi bharastachar?
unke bharastachar ka karan hai bade netaon ki brabari!
aajkal to sadhuon ke pass bhi pese ki kami nahi hai! mukhya mukhya suvidhayein ve bhi rakhte hain!
unke pass bhi achhe bed! mehangi cars! v AC aadi bhi hoti hain!
magar in sab me sukhi koi nahi hai! jab tak hum dusre ko sukhi dekhkar kush nahi hote hum tab tak dukhi hi reheinge!
kyonki pesa ya sukh ka koi bhi sadhan inaan ko sukh de sakta hai kushi nahi! dili kushi santusti me hai aur santosh ka aajkal akal hai!

greeb amir, fakeer ya wazir sabhi santosh se vanchit hain! agar vastavik sukhi jeevan jina hai to kahin se bhi mile to santosh hasil karo! wo chhoti dukan se mile ya fir badi market se!
pesa kharachne se mile ya pesa kamane se mile!
aaram se mile ya mehnat se mile!
magar santosh milega to sukh milega nahi to sukh ki kamna bekar hai!

Bhagwan se dua karta hun ke aapko ko santosh hasil karne ki kshamta pardaan kare!
taki pura samaj meri tarah sukhi ho jaaye!
na jarurat! na chinta! na dukhi!

Jai Hind